دا من حقك (عاميه رئعه للشاعر باسم عبد الحكيم عيد)

[باسم عبد الحكيم عيد]

الشاعر باسم عبد الحكيم وعوده بعد أنقطاع بعاميه ساخره تعد من الروائع
بعنوان (ودا ون حقك)

:al7b1:
كلب الرئيس عضني ..
نهش لحمي وسَمِني ...
جريت أشتكي ..
قالوا السبب في أزمتي ..
حنيتي ..
والغلطة كانت غلطتي ..
أيه خلاانى اديله حته من جتتى
هي أكيدمصريتي..

:1 (2):

شعب واخد ع الدماغ ..
وبيتساق من غير بتاع
مش من حقه حتى يشتكي ..
شعب عايش ع اللي راح ..
ع الكرامة اللي نطت..
في التاريخ ..
حكاية تتحكي ..

:1 (23):
صرخت يا ناس ..
دمي ساح ..
الكلب نهش جتتي ..
قالولي ما تبكيش ع الجراح ..
البكا يبقىع اللي راح ..

:1 (57):
د الكلب .. كلب الريس
هوا جعان فشر
دا متغزى كويس
انت اللي ضريته بعملتك ..
هنعالجه نتيجة عضتك ..
دكلب واخد ع الفيليه ..
الكرواسن والباتون ساليه ..
مش لحم بايظ من الأدوية ..
وسماد ويوريا..منيله
وجبنة فاسدة ..معفنة ..
وزيت شلجم ..
وعيش مسرطن ..
القمح من أمريكا جايلنا ..
ونفايات كل الدول عندنا
وماية مجاري ..
بتجري في دمنا ..
يا عم روح ..
زهقتنا ..
طهقتنا ..

:1 (34):
قضية فشوش ..
وحش انت من الوحوش ..
ضريت الكلب بعملتك ..
وكمان جاي تشتكي ..
من علتك ..
يا عم روح ..
بعدين تدوخ ..
انت مش قد الرئيس
ولا كلب الرئيس..
أنت فاضل فى عمرك ساعتين
تلااته أجرى عيش
انت يدوبك تقدر ع الغفير ..
متفلقنيش
وكمان الحكومه هتحميه ..
دقائق ومش هتلاقيه ..

:1 (44):
مين تكون ..
واحد مجنون ..
ناقص عيون ..
مش شايف حقيقة ..
مالية الكون ..

5500
تمنك ايه يا مصري ..
تمنك ايه ...
قرد متسلسل ..
يكون تمنه ايه ..
دستور واتهلهل ..
عشان الباشا ويا البيه..
عاد لك ايه ..
يامصري ..
تبكي عليه ..

:al7b1:
لو زمان ..
قبل اللي كان ..
كان ممكن تاخد على بقك
و ف نفس المكان ..
دا كان زمان ..
النهاردة للأسف ..
اكتم الكلمة ف حلقك ..
وحط لسانك جوا بقك ..
وخد صوره تزكار للكلب
ودا من حقك