المزايا كامله

[عبدالله الحضبي]

المزايا الكامله
قصيده اتمنى ان ترقى الى ذائقة المبدعين منكم


راكب اللي تو راعيه ماقص استماره= منوة اللي لا نهمته يقول أبشر هلا
لا نوى دار المحبين ماحسّب خساره= دق به هاجوس.. وقت السحر يوم انجلا
رغبته غاليه قد له سنين في انتظاره= ميزته عقل ودلال .. وتفنان الحلا
الهنوف اللي على العز هي من ساس اماره= تفخر بفعل النشامى على كل الملا
فعل اخوها بالشجاعه وبافعال الشطاره= وبيت ابوها للمراجل ولضيوف الخلا
ودارها لا زارها الضيف ماقل اعتباره= يكرمونه بالمعزه وتقدير وغلا
ياهبوب النود ردي خبر عن زين ساره= ماتقلد بالعذارى وظبيات الفلا
حيث فيها من مزايا غزال الريم اشاره= جاه قناص لقف له وهو مجفلا
غاية المقصود للعاشق اللي شاف إثاره= المزايا كامله .. والخيال مبجلا
ذاك (والله العظيم) انه اللي شب ناره= وسط قلبي.. واصبح القلب عقبه ماسلا
اخوكم الشاعر عبدالله الحضبي السبيعي

[خالد رجب الدوسي]

وانا اقول عنك وعن شاعريتك كما قلت انت في هذا الشطر

المزايـا كاملـه .. والخـيـال مبـجـلا

لله درك من مبدع

[عبدالله الزهراني]

عبدالله انت شاعر مبدع

وصف وسياق ومبنى ومعنى ، تقبل اعجابي يالعذب

[عبدالله الحضبي]

شكرا من الاعماق شاعرنا المبدع \خالد
شكرا من الاعماق شاعرنا المتميز عبدالله الزهراني
مروركم شرف ووسام

[ميس عمر]

صح لسانك
اهنئك على هذه الطاقة الشعرية
الفذة والابداع اللامتناهي
سلمت اناملك على الكلمات
ودمت بقلب العطاء والتميز

[عبدالله الحضبي]

شكرا ياميس
تشرفت بمرورك الذي اعتز به
تحياتي